“Мен ҳар бирингизни эшитаман”: Саида Мирзиёева ОАВ ходимларини касб байрами билан табриклади
Президент администрацияси раҳбари журналистларнинг фаолияти давлат бошқарувида муҳим ўрин тутаётганини таъкидлади.
Президент администрацияси раҳбари Саида Мирзиёева Матбуот ва оммавий ахборот воситалари ходимлари куни муносабати билан журналистлар ва медиа соҳаси вакилларини касб байрами билан табриклади.
Унинг таъкидлашича, сўнгги йилларда Ўзбекистон медиа соҳаси профессионал жиҳатдан сезиларли даражада ривожланди. Долзарб ва мураккаб масалалар очиқ муҳокама қилинаётгани, журналистлар билдираётган фикрлар эса давлат идоралари томонидан қабул қилинаётган қарорларга тобора кучлироқ таъсир кўрсатаётгани қайд этилди.
“Мен ҳар бирингизни эшитаман. Сизларнинг сўзингиз, қатъиятингиз ҳамда ҳалоллигингиз туфайли ҳаётимизда жуда кўп нарса яхши томонга ўзгармоқда. Бунга сизнинг бефарқ эмаслигингиз, шижоатингиз ва жасоратингиз сабаб бўлмоқда”, — деб ёзди Саида Мирзиёева.
Шунингдек, у барча журналист ва оммавий ахборот воситалари ходимларига сиҳат-саломатлик ҳамда бахт тилади.
