ЖЧ-2026: Бразилия ва Марокаш драматик тарзда кейинги босқичга чиқди, Германия эса сенсацион тарзда мусобақани тарк этди
2026 йилги Жаҳон чемпионатининг 1/16 финалидан ўрин олган навбатдаги учрашувлар якунланди. Бразилия, Парагвай ва Марокаш чорак финал йўлланмаси учун курашни давом эттирадиган бўлди.
Бразилия ва Япония ўртасидаги баҳс турнирнинг энг драматик учрашувларидан бирига айланди. Японлар 29-дақиқада Каишу Сано голидан сўнг узоқ вақт ҳисобда олдинда борди. Иккинчи бўлимда Каземиро мувозанатни тиклади. Учрашув тақдири эса қўшиб берилган дақиқаларда ҳал бўлди. Габриел Мартинелли 90+3-дақиқада ғалаба голини уриб, Бразилияга 2:1 ҳисобидаги ғалабани тақдим этди.
Германия ва Парагвай ўртасидаги баҳс ҳам кескин курашлар остида кечди. Асосий ва қўшимча бўлимларда жамоалар ғолибни аниқлай олмади. Пенальтилар церийасида эса Парагвай 4:3 ҳисобида устун келиб, турнирнинг асосий фаворитларидан бири саналган Германияни мусобақадан чиқариб юборди.
Куннинг сўнгги учрашувида Нидерландия ва Марокаш ўзаро тўқнаш келди. Коди Гакпо 72-дақиқада нидерландияликларни олдинга олиб чиққан бўлса, Исса Диоп 90+1-дақиқада мувозанатни тиклади. Қўшимча бўлимларда ҳисоб ўзгармагач, ғолиб пенальтилар церийасида аниқланди. Унда Марокаш 3:2 ҳисобида ғалаба қозониб, Жаҳон чемпионатининг кейинги босқичига йўл олди. Марокаш дарвозабони Яссин Буну пенальтилар церийасидаги ҳал қилувчи сейв билан жамоасининг қаҳрамонига айланди.
