Педагог аёллар учун волейбол мусобақаси: ғолиб жамоаларга “Damas” ва миллионлаб мукофотлар
Педагог аёллар ўртасидаги илк республика волейбол мусобақаси финал босқичи Наманган шаҳрида давом этмоқда.
Ўзбекистонда илк бор мактабгача ва мактаб таълими тизимида фаолият юритаётган педагог хотин-қизлар ўртасида волейбол бўйича “Мактабгача ва мактаб таълими вазири кубоги” мусобақаси ўтказилмоқда.
Мусобақа республика бўйлаб 14 мингдан ортиқ таълим муассасасида фаолият юритаётган 110 минг 452 нафар аёл педагогни қамраб олди. Саралаш босқичларида ғолиб бўлган жамоалар иштирокидаги республика финал босқичи айни кунларда Наманган шаҳрида бўлиб ўтмоқда.
Унда Қорақалпоғистон Республикаси, Тошкент шаҳри ва барча вилоятлардан ҳудудий босқич ғолиби бўлган 14 та жамоа таркибидаги 112 нафар аёл педагог ғолиблик учун баҳс олиб бормоқда.
Мусобақа якунларига кўра, ғолиб ва совриндор жамоалар қуйидаги пул мукофотлари билан тақдирланади:
-
1-ўрин — 150 миллион сўм;
-
2-ўрин — 100 миллион сўм;
-
3-ўрин — 70 миллион сўм.
Шунингдек, мусобақа ғолиблари таркибидаги ҳар бир иштирокчига “Damas” автомобили топширилиши белгиланган.
