Робахон Маҳмудова раислигида Олий суд Пленуми мажлиси бўлиб ўтди
Мажлисда суд амалиётини янада такомиллаштиришга қаратилган Пленум қарорлари қабул қилинди.
Олий суд Пленумининг навбатдаги мажлисида фуқарони муомала лаёқати чекланган ёки муомалага лаёқатсиз деб топиш, даъвони таъминлаш чораларини қўллаш ҳамда айрим пленум қарорларига ўзгартириш ва қўшимчалар киритишга оид учта қарор қабул қилинди.
Олий суд Пленумининг навбатдаги мажлиси бўлиб ўтди. Йиғилишда қуйидаги қарорлар қабул қилинди:
- “Судлар томонидан фуқарони муомала лаёқати чекланган ёки муомалага лаёқатсиз деб топиш билан боғлиқ ишларни кўриб чиқиш амалиёти тўғрисида”;
- “Фуқаролик, маъмурий ва иқтисодий судлар томонидан даъвони таъминлаш (дастлабки ҳимоя) чораларини кўришнинг айрим масалалари тўғрисида”;
- “Ўзбекистон Республикаси Олий суди Пленуми ва Ўзбекистон Республикаси Олий хўжалик суди Пленумининг айрим қарорларига ўзгартириш ва қўшимчалар киритиш тўғрисида”.
Олий суд раиси Робия Маҳмудова раислигида ўтган мажлисда Олий Мажлис Сенати аъзолари ва Қонунчилик палатаси депутатлари, Олий суд ҳамда қуйи судлар судьялари, Бош прокурор, Конституциявий суд, Судьялар олий кенгаши, Оила ва хотин-қизлар қўмитаси, Судьялар ассоциацияси ва Адвокатлар палатаси раҳбарлари, шунингдек, Олий Мажлиснинг Инсон ҳуқуқлари бўйича вакили (Омбудсман), Бола ҳуқуқлари бўйича вакил, манфаатдор вазирлик ва идоралар, ҳуқуқни муҳофаза қилувчи органлар вакиллари, ҳуқуқшунос олимлар ҳамда ОАВ вакиллари иштирок этди.
Маълум қилинишича, Пленум қарорлари матнлари Ўзбекистон Республикаси Қонунчилик маълумотлари миллий базаси, “Ўзбекистон Республикаси Олий суди ахборотномаси” ҳамда “Куч – адолатда” газетасида эълон қилинади.
