Тбилиси телеминораси Ўзбекистон байроғи рангларига бурканди
Шавкат Мирзиёев ва Ираклий Кобахидзе Тбилиси телеминораси фонида суратга тушди.

Ўзбекистон Президенти Шавкат Мирзиёевнинг Грузияга амалга ошираётган давлат ташрифи муносабати билан Тбилиси телеминораси Ўзбекистон Давлат байроғи рангларида ёритилди. Бу ҳақда УзА хабар берди.

Мазкур рамзий ташаббус Грузия томонидан Ўзбекистон халқига билдирилган юксак ҳурмат ва икки мамлакат ўртасидаги дўстлик ҳамда стратегик шериклик муносабатларининг ифодаси бўлди.
Шунингдек, Президент Шавкат Мирзиёев ва Грузия Бош вазири Ираклий Кобахидзе Тбилиси телеминораси фонида биргаликда суратга тушдилар.








