Ўзбекистон ва Беларус Президентлари Минскда норасмий учрашув ўтказди
Учрашувдa бўлажак музокаралар кун тартиби ҳамда икки томонлама ҳамкорлик масалалари юзасидан фикр алмашилди.
Ўзбекистон Президенти Шавкат Мирзиёевнинг Беларусга расмий ташрифи доирасида Минск шаҳрида Беларус Президенти Александр Лукашенко билан норасмий учрашув бўлиб ўтди.
Учрашув аввалида Александр Лукашенко Шавкат Мирзиёевни самимий қутлаб, Беларусга ташриф буюргани учун миннатдорлик билдирди. Томонлар бўлажак олий даражадаги музокаралар кун тартиби юзасидан фикр алмашди.
Шунингдек, ташриф арафасида ўтказилган тадбирлар, жумладан, Ўзбекистон ва Беларус ишбилармон доиралари вакиллари иштирокидаги Ҳудудлараро форум якунлари юқори баҳоланди.
