Ўзбекистон

Тергов изоляторида вафот этган тадбиркор фирибгарлик айблови бўйича оқланди

Тадбиркор Тўдакўл кўлининг ижараси ва у ердаги балиқ захирасига оид можаро юзасидан фирибгарликда айбланганди.

Тергов изоляторида вафот этган тадбиркор фирибгарлик айблови бўйича оқланди

Тергов ҳибсхонасида вафот этган навоийлик тадбиркор Азамат Холиқов фирибгарлик айблови бўйича оқланди. Навоий вилоят суди апелляция инстанцияси биринчи инстанция ҳукмининг ушбу қисмини бекор қилиб, жиноят ишини тугатди. Бу ҳақда Kun.uz хабар берди.

 

Маълум бўлишича, Азамат Холиқов ва бошқа шахсларга нисбатан қўзғатилган жиноят иши Навоий вилоятидаги Тўдакўл кўлининг ижараси билан боғлиқ можаро юзасидан очилган.

 

2004–2018 йилларда Тўдакўл кўлидан "Аqua-Tudakul" Ўзбекистон—Америка қўшма корхонаси ижара асосида фойдаланиб келган. Корхонанинг ижара муддати 2022 йилда якунланиши керак бўлган.

 

Бироқ 2018 йил январь ойида "Ўзбекбалиқсаноат" уюшмаси томонидан ўтказилган тендерда яна "Аqua-Tudakul" ғолиб деб топилиб, у билан 10 йиллик шартнома имзоланган. 

 

Орадан бир неча ой ўтиб, уюшма мазкур шартномани бекор қилган ва май ойида қайта тендер ўтказган. Унда тендер эълон қилинишидан 20 кун аввал давлат рўйхатидан ўтган "Golden Lake Fish" МЧЖ ғолиб деб топилган. Азамат Холиқов ушбу корхона таъсисчиларидан бири бўлган.

 

Кейинчалик Жиноят ишлари бўйича Навоий шаҳар судининг 2022 йил 15 августдаги ҳукми билан "Golden Lake Fish" МЧЖ раҳбари Панжиқул Рўзиқулов тендерда қалбаки ҳужжатлар тақдим этгани аниқланган.

 

"Аqua-Tudakul" раҳбари Шавқатиддин Жамолов кўлда 30 миллиард сўмдан ортиқ қийматдаги балиқ захираси қолганини ва ушбу захира ноқонуний равишда "Golden Lake Fish" тасарруфига ўтганини даъво қилиб келган. Азамат Холиқовга қўйилган фирибгарлик айблови айнан шу зарар суммаси билан боғлиқ бўлган.

 

Навоий шаҳар судининг 2026 йил 6 февралдаги ҳукми билан марҳум тадбиркор Жиноят кодексининг фирибгарлик, солиқларни тўлашдан бўйин товлаш, савдо қоидаларини бузиш, қасддан тўловга қобилиятсизликка олиб келиш, нодавлат ташкилотида мансаб ваколатини суиистеъмол қилиш ҳамда ҳужжатларни қалбакилаштиришга оид қатор моддалари бўйича айбдор деб топилган. Бироқ у вафот этгани сабабли жиноят-процессуал қонунчиликка мувофиқ унга жазо тайинланмаган.

 

Шунингдек, "Golden Lake Fish" МЧЖ таъсисчиси Панжиқул Рўзиқулов фирибгарликда айбдор деб топилиб, 6 йил муддатга озодликдан маҳрум этилган ҳамда ундан "Аqua-Tudakul" фойдасига 32,6 миллиард сўм моддий зарар ундирилиши белгиланган.

 

Жиноят иши Навоий вилоят суди жиноят ишлари бўйича судлов ҳайъатида апелляция тартибида қайта кўриб чиқилди.

 

Суднинг 2026 йил 30 июндаги ажримига кўра, Азамат Холиқов ва Панжиқул Рўзиқулов Жиноят кодексининг 168-моддаси 4-қисми "а" банди билан назарда тутилган жуда кўп миқдордаги фирибгарлик жиноятини содир этмаган деб топилди ва ушбу айблов бўйича оқланди. Мазкур қисм бўйича жиноят иши тугатилди.

 

Шунингдек, Панжиқул Рўзиқуловдан "Аqua-Tudakul" фойдасига 32,6 миллиард сўм ундириш ҳамда хатланган мол-мулкни зарарни қоплашга йўналтириш ҳақидаги ҳукм ҳам бекор қилинди. Ҳукмнинг қолган қисми эса ўзгаришсиз қолдирилди. Суд ажримидан норози томонлар белгиланган тартибда тафтиш шикояти киритиш ҳуқуқига эгалиги тушунтирилган.

 

Маълумот ўрнида, 56 ёшли тадбиркор Азамат Холиқов ушбу жиноят иши доирасида 2024 йил 20 апрель куни қамоққа олинган ва орадан олти кун ўтиб тергов ҳибсхонасида вафот этган.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.