ЖЧ-2026: Месси бошчилигидаги Аргентина Швейцарияни мағлуб этиб ярим финалга йўл олди

Жаҳон чемпионатининг чорак финал босқичидан ўрин олган Аргентина ва Швейцария терма жамоалари ўртасидаги баҳс якунланди. Қўшимча бўлимларгача давом этган учрашувда амалдаги жаҳон чемпионлари 3:1 ҳисобида ғалаба қозониб, ярим финалнинг сўнгги йўлланмасини қўлга киритди. 

 

Аргентина учрашувни фаол бошлади ва 10-дақиқада Алексис Мак Аллистернинг аниқ зарбаси эвазига ҳисобни очди. Иккинчи бўлимда Швейцария ҳужумларини кучайтирди ва 67-дақиқада Дан Ндое мувозанатни тиклади. Асосий вақтда бошқа гол урилмади ва баҳс қўшимча бўлимларга йўл олди. 

 

Экстра таймларнинг иккинчи қисмида Хулиан Алварес узоқ масофадан йўллаган чиройли зарбаси билан аргентиналикларни яна олдинга олиб чиқди. Учрашувнинг сўнгги сонияларида эса Лаутаро Мартинес қарши ҳужумни гол билан якунлаб, якуний ҳисобни 3:1 кўринишига келтирди. 

 

Швейцария учрашувнинг 72-дақиқасидан бошлаб бир киши кам бўлиб ҳаракат қилди. Бреэл Эмболо иккинчи сариқ карточкасини олиб, майдонни тарк этди. 

 

Шу тариқа, Лионел Месси бошчилигидаги Аргентина ярим финал йўлланмасини қўлга киритди. Энди амалдаги жаҳон чемпионлари финал йўлланмаси учун Англия терма жамоасига қарши майдонга тушади. 

 

ЖЧ-2026. Чорак финал 

 

Аргентина — Швейтсария 3:1 (қўшимча бўлимлардан сўнг) 

 

Голлар: Мак Аллистер 10, Алварес 112, Лаутаро Мартинес 120+1 — Ндое 67.