Ўзбекистонда тақиқланган интернет манбалари рўйхати янгиланди
Янгиланган рўйхатга диний экстремистик ва террористик мазмундаги 1 915 та интернет манбаси киритилди.
Олий суд диний экстремизм, терроризм ва ақидапарастлик ғояларини тарғиб қилувчи манба ҳамда контентларнинг янгиланган рўйхатини эълон қилди.
2026 йил 13 июль ҳолатига кўра, рўйхатга жами 1 915 та интернет манбаси киритилган. Мазкур материалларни Ўзбекистон ҳудудига олиб кириш, тайёрлаш, сақлаш, тарқатиш ва намойиш этиш қонун билан тақиқланган.
Рўйхатдан:
-
Telegram — 886 та канал ва гуруҳ;
-
Instagram — 405 та профиль;
-
Facebook — 276 та саҳифа;
-
YouTube — 202 та канал;
-
ТikТоk — 68 та аккаунт;
-
Одноклассники — 44 та саҳифа;
-
Threads — 1 та профиль;
-
веб-сайтлар ва бошқа манбалар — 33 та ўрин олган.
Олий суд фуқароларни, айниқса ота-оналар ва ёшларни диний ақидапарастлик, экстремизм ҳамда терроризм ғояларидан огоҳ бўлишга чақириб, суд томонидан тақиқланган интернет манбаларидан фойдаланмасликни тавсия этди.
