"Қамчиқ" довонида хавфли тошлар мажбурий кўчирилди
Ушбу тадбир табиий офатларнинг олдини олиш ва автомобиль йўлида ҳаракат хавфсизлигини таъминлаш мақсадида ўтказилди.
18 июль куни соат 16:00 дан 16:03 гача А-373 "Тошкент–Оҳангарон–Ангрен–Қўқон–Шаҳрихон–Андижон" автомобиль йўлининг 142,8-километрида тоғнинг юқори қисмидаги номустаҳкам тошларни сунъий равишда тушириш ишлари олиб борилди. Бу ҳақда Фавқулодда вазиятлар вазирлиги маълум қилди.
Қайд этилишича, тегишли ташкилотлар томонидан амалга оширилган ушбу тадбир табиий офатларнинг олдини олиш ва автомобиль йўлида ҳаракат хавфсизлигини таъминлаш мақсадида ўтказилган.
Шунингдек, Фавқулодда вазиятлар вазирлиги айрим электрон нашрлар ва блогерлардан мазкур жараён юзасидан маълумотларни нотўғри талқин қилмаслик, расмий ахборотлардан оқилона ва холис фойдаланишни сўради.
