“Тошкентга 'яшил шаҳар' мақоми қайтарилади” — Саида Мирзиёева
Саида Мирзиёева Тошкентдаги қатор боғ ва жамоат масканларини кўздан кечирди.
Президенти администрацияси раҳбари Саида Мирзиёева Тошкент шаҳридаги қатор муҳим объектларни кўздан кечириб, пойтахтни янада кўкаламзорлаштириш ва яшил ҳудудларни кенгайтириш бўйича режаларни маълум қилди.
Унинг таъкидлашича, Тошкент жадал ривожланаётган бўлса-да, шаҳарда яшил ҳудудлар етарли эмас. Шу боис янги истироҳат боғларини барпо этиш ва атроф-муҳитни кўкаламзорлаштириш пойтахт келажаги учун устувор йўналишлардан бири ҳисобланади.
Қайд этилишича, Афросиёб кўчасидаги боғда аҳоли эркин дам олиши учун зарур шароитлар яратилади. Шунингдек, Сайилгоҳ кўчаси, Амир Темур шоҳкўчаси ва унга туташ ҳудудларни янгилаш, Бобур номидаги Экопарк ҳамда Мирзо Улуғбек номидаги боғ майдонларини кенгайтириш масалалари ҳам муҳокама қилинган.
Саида Мирзиёева асосий мақсад Тошкентга "яшил шаҳар" мақомини қайтариш, фуқаролар учун мазмунли ҳордиқ чиқариш ва сайр қилиш имконини берувчи очиқ майдонларни кўпайтириш эканини таъкидлади.
Шунингдек, у қулай ва хавфсиз шаҳар муҳитини ривожлантириш, кўкаламзорлаштириш ишларини изчил давом эттириш ҳамда мавжуд инфратузилмадан самарали фойдаланиш зарурлигини қайд этди.
“Шаҳар аҳолисининг турмуш даражасини яхшилаш йўлида бу масалаларни ҳал этишга зудлик билан киришмоқ жуда муҳим”, дея ёзди Мирзиёева.
Shuningdek, u qulay va xavfsiz shahar muhitini rivojlantirish, ko‘kalamzorlashtirish ishlarini izchil davom ettirish hamda mavjud infratuzilmadan samarali foydalanish zarurligini qayd etdi.
“Shahar aholisining turmush darajasini yaxshilash yo‘lida bu masalalarni hal etishga zudlik bilan kirishmoq juda muhim”, deya yozdi Mirziyoyeva.
