Саида Мирзиёева судьялар ва суд тизими ходимларини табриклади
Саида Мирзиёева 25 июль — Халқаро судьялар ва суд тизими ходимлари фаровонлиги куни муносабати билан табрик йўллаб, судьялар фаровонлиги адолатли va одил судловнинг муҳим шарти эканини таъкидлади.
Саида Мирзиёева 25 июль — Халқаро судьялар ва суд тизими ходимлари фаровонлиги куни муносабати билан табрик йўллаб, адолатли одил судлов судьялар ва суд тизими ходимларининг жисмоний, руҳий ҳамда эмоционал фаровонлигига бевосита боғлиқлигини таъкидлади.
Мирзиёеванинг қайд этишича, суд тизими ходимлари ҳар куни инсонлар дарди, фожиавий тақдирлар ва мураккаб ҳаётий вазиятларга дуч келади. Судьялар эса инсон тақдирига таъсир қилувчи қарорлар қабул қилиб, юксак маънавий масъулиятни ўз зиммасига олади.
Суд қарорларининг адолатли бўлиши одил судловга хизмат қилаётганларнинг жисмоний, руҳий ва эмоционал ҳолатига бевосита боғлиқ. Шу боис судьялар ва суд тизими ходимлари фаровонлигини таъминлаш адолатли, мустақил ва самарали одил судловнинг муҳим шартларидан биридир.
Шунингдек, у Янги Ўзбекистонда инсон қадри ва қонун устуворлиги олий қадрият ҳисобланган суд тизими изчил барпо этилаётганини таъкидлаб, барча судьялар ва суд тизими ходимларига мустаҳкам соғлиқ, ирода, қатъият ҳамда адолат принципларига содиқлик тилади.
