Тошкентдан Екатеринбургга учган самолёт Остонага йўналтирилди
Бунга Екатеринбург аэропортида жорий этилган чекловлар сабаб бўлди.
Екатеринбург аэропортида жорий этилган вақтинчалик чекловлар сабаб Тошкент—Екатеринбург йўналишидаги авиарейс Остонадаги захира аэропортига йўналтирилди.
Uzbekistan Airways маълумотига кўра, 2026 йил 25 июль куни амалга оширилаётган HY9661 рейси Екатеринбург аэропортида жорий этилган чекловлар туфайли Қозоғистоннинг Остона шаҳридаги захира аэропортига қўнган.
Шу муносабат билан Тошкент—Екатеринбург—Тошкент йўналишидаги HY9661/HY9662 қатновлари ўзгартирилган жадвал асосида амалга оширилади.
Янгиланган жадвалга кўра:
-
HY9661 рейси Остонадан соат 13:30 да жўнаб, Екатеринбургга соат 15:00 да етиб боради.
-
HY9662 рейси эса Екатеринбургдан соат 16:00 да жўнаб, Тошкентга соат 18:50 да етиб келади.
