Ўзбекистон

Суюлтирилган газ етказиб беришга хусусий сектор жалб этилади

Тизим дастлаб Андижон вилоятида жорий этилади.

Суюлтирилган газ етказиб беришга хусусий сектор жалб этилади

Президент Шавкат Мирзиёев раислигида 27 июль куни ўтказилган видеоселектор йиғилишида куз-қиш мавсумига тайёргарлик масалалари муҳокама қилинди.

 

Йиғилишда қайд этилишича, ҳозирда табиий газ етиб бормайдиган 1 916 та маҳалла мавжуд. Масъулларга уч ой муддатда ушбу ҳудудларда иситиш тизимини электр энергиясига ўтказиш учун зарур инфратузилма ва қўшимча электр қуввати бўйича ҳисоб-китобларни тайёрлаш топширилди. Шунингдек, биринчи навбатда молиялаштирилиши зарур бўлган маҳаллалар учун алоҳида дастур ишлаб чиқилади.

 

Бугунги кунда мамлакат бўйича 3,7 миллион хонадон суюлтирилган газдан фойдаланади. Сўнгги йилларда тизим рақамлаштирилган бўлса-да, газни ўз вақтида етказиб бериш билан боғлиқ муаммолар сақланиб қолаётгани таъкидланди.

 

Шу муносабат билан суюлтирилган газ етказиб беришга хусусий секторни жалб этиш ва бу амалиётни Андижон вилоятида йўлга қўйиш таклифи маъқулланди.

 

Маълум қилинишича, Андижон вилоятида жорий йилнинг олти ойида режалаштирилган 48 минг тонна ўрнига 41 минг тонна суюлтирилган газ етказиб берилган. Натижада 318 та маҳаллада таъминот белгиланган жадвалдан ортда қолган.

 

Янги тартибга кўра, тадбиркорлар ўзлари импорт қилган ёки биржа орқали харид қилган суюлтирилган газни аҳоли ҳамда тадбиркорлик субъектларига етказиб бериши мумкин бўлади. Йил бошидан буён хусусий сектор томонидан 157 минг тонна суюлтирилган газ импорт қилинган.

 

Шунингдек, Ижтимоий реестрга киритилган оилаларга суюлтирилган газ харажатлари учун субсидия ажратилади. Йил якунига қадар бу йўналишда "Андижон тажрибаси"ни шакллантириш режалаштирилган. Йиғилишда йил якунига қадар суюлтирилган газ ишлаб чиқаришни режалаштирилган 520 минг тоннадан 606 минг тоннагача ошириш вазифаси ҳам белгиланди.

 

Бундан ташқари, аҳолининг эҳтиёжидан келиб чиқиб, турли сиғимдаги газ баллонларидан фойдаланиш имкониятларини жорий этиш масаласи кўриб чиқилди. 

 

Ҳозирда газ асосан 20 килограммли баллонларда етказиб берилаётган бўлса, айрим хонадонлар учун 5–6 килограмм, бошқалари учун эса 30–40 килограмм сиғимли баллонлар мақсадга мувофиқ экани қайд этилди.

 

Президент топшириғига мувофиқ, суюлтирилган газни ташиш, сақлаш ва тарқатиш тизими бир ой муддатда хорижий тажриба ҳамда халқаро стандартлар асосида қайта кўриб чиқилади.

Хорижий корхоналар: Тошкент шаҳри ва вилояти етакчилик қилмоқда

Хорижий корхоналар: Тошкент шаҳри ва вилояти етакчилик қилмоқда

2026 йил 1 октябрь ҳолатига кўра, Ўзбекистонда хорижий инвестициялар иштирокидаги 22 мингдан ортиқ корхона фаолият юритмоқда.

Ўзбекистон Президенти давлат ташрифи билан Ўмонда бўлади

Ўзбекистон Президенти давлат ташрифи билан Ўмонда бўлади

Масқат шаҳрида олий даражадаги икки томонлама музокаралар ва бошқа тадбирлар бўлиб ўтади.

Фарғонада автомобиль велосипедчини уриб юборди: жабрланувчи шифохонада вафот этди

Фарғонада автомобиль велосипедчини уриб юборди: жабрланувчи шифохонада вафот этди

Ҳозирда ҳолат юзасидан терговга қадар текширув ҳаракатлари олиб борилмоқда.

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Ўзбекистонда ичимликлар ишлаб чиқариш 11 фоизга ўсди: энг юқори кўрсаткич Тошкентда қайд этилди

Жорий йилнинг дастлабки тўққиз ойида йирик корхоналар томонидан ишлаб чиқарилган ичимликлар қиймати 25,5 трлн сўмни ташкил этди.

Тошкентда кибержиноятларда гумонланган икки гуруҳ фош этилди: 72 киши ушланди

Тошкентда кибержиноятларда гумонланган икки гуруҳ фош этилди: 72 киши ушланди

Ҳолатлар юзасидан жиноят иши қўзғатилди.

Тошкентда ҳаво сифати: 15 ноябрь тонгида яхшиланиши мумкин

Тошкентда ҳаво сифати: 15 ноябрь тонгида яхшиланиши мумкин

Ҳозирда атмосфера ҳавоси сифати Махсус комиссия томонидан доимий мониторинг қилинмоқда.

Пахта хирмони 5 млн тоннадан ошди, аммо терим давом этмоқда — вазирлик

Пахта хирмони 5 млн тоннадан ошди, аммо терим давом этмоқда — вазирлик

Қишлоқ хўжалиги вазирлиги далаларда ҳали пахта борлиги ушбу натижани шубҳа остига қўймаслигини таъкидлади.

Бир ўриндиқ сабабли можаро: Тошкентда икки эркак 3 суткага қамалди

Бир ўриндиқ сабабли можаро: Тошкентда икки эркак 3 суткага қамалди

Метрода жой бермагани учун йўловчини ҳақорат қилган ва кейинчалик унинг ортидан борган эркакларга жазо тайинланди.