Капитал бозори ислоҳ қилинади: Қонунчилик палатаси янги қонун лойиҳасини маъқуллади
Ҳужжат капитал бозорини халқаро стандартлар асосида ривожлантириш, янги молиявий воситаларни жорий этиш ҳамда инвесторлар ҳуқуқларини кучайтиришни назарда тутади.
Олий Мажлис Қонунчилик палатасининг навбатдаги мажлисида “Капитал бозори тўғрисида”ги қонун лойиҳаси биринчи ўқишда қабул қилинди.
Қонун лойиҳаси нимани назарда тутади?
- Капитал бозорини халқаро стандартлар асосида ривожлантириш;
- Замонавий молиявий воситаларни жорий этиш;
- Инвесторлар ҳуқуқларини ҳимоя қилиш тизимини кучайтириш;
- Бозорнинг очиқлиги ва инвестициявий жозибадорлигини ошириш.
Янги молиявий воситалар жорий этилади:
- сукук (ислом облигациялари);
- барқарор ривожланиш облигациялари;
- қопланган облигациялар;
- секюритизатсияланган облигациялар.
Шунингдек, қонун лойиҳасида:
- корпоратив бошқарув сифатини ошириш;
- компаниялар томонидан ахборотни ошкор қилиш талабларини кучайтириш;
- капитал бозори инфратузилмасини такомиллаштириш назарда тутилган.
Натижада:
- молиялаштириш имкониятлари кенгаяди;
- замонавий инвестиция воситалари пайдо бўлади;
- инвесторлар ҳуқуқлари янада кучли ҳимоя қилинади;
- бозор янада очиқ ва шаффоф бўлади;
- мамлакат иқтисодиётига маҳаллий ва хорижий инвестицияларни жалб қилиш имкониятлари ортади.
