Ўзбекистон Журналистлар уюшмаси қошида Блогерлар ижодий кенгаши ташкил этилди
Кенгаш блогерларнинг касбий ривожланиши, медиа саводхонлигини ошириш ва ёш контент яратувчиларни қўллаб-қувватлашга қаратилади.
Ўзбекистон Журналистлар уюшмаси қошида Блогерлар ижодий кенгаши ташкил этилди. Янги кенгаш блогерларнинг касбий салоҳиятини ошириш, медиа саводхонлигини ривожлантириш ва ёш контент яратувчиларни қўллаб-қувватлашга йўналтирилади.
Кенгашни ташкил этиш ташаббуси шу йил 3 июнь куни ўтказилган “Лойиҳалар куни” тақдимот тадбирида илгари сурилган эди.
Кенгашнинг илк йиғилишида блогерлар, медиа экспертлари, журналистлар ва соҳа мутахассислари иштирок этди. Унда кенгаш фаолиятининг устувор йўналишлари, блогерларнинг касбий ривожланиши ва медиа саводхонлигини ошириш масалалари юзасидан таклифлар билдирилди.
Қайд этилишича, кенгаш замонавий медиа маконида масъулиятли контент яратишни қўллаб-қувватлаш, соҳа вакиллари ўртасида тажриба алмашиш ва очиқ мулоқот учун платформа яратишга хизмат қилади.
