Энди банкдан 500 долларгача валютани паспортсиз сотиб олиш мумкин
Янги тартиб 9 августдан кучга кирди.
Ўзбекистонда банклардан нақд чет эл валютасини сотиб олиш тартиби енгиллаштирилди. Эндиликда жисмоний шахслар 500 АҚШ долларигача бўлган миқдорда нақд чет эл валютасини харид қилганда паспорт, ID-карта ёки уларнинг ўрнини босувчи бошқа ҳужжатни тақдим этиши талаб этилмайди.
Мазкур тартиб Адлия вазирлиги ташаббуси билан қабул қилинган идоравий ҳужжат — 2026 йил 8 майдаги 2886-12-сонли рўйхат асосида жорий этилди ва 9 августдан кучга кирди.
Аввал банклардан чет эл валютасини ҳужжатсиз сотиб олиш мумкин бўлган лимит 100 АҚШ доллари этиб белгиланган эди. Янги тартиб билан ушбу миқдор 500 долларгача оширилди.
Адлия вазирлиги мазкур ўзгариш аҳоли учун қулайликларни кенгайтириш ва ортиқча маъмурий талабларни камайтиришга қаратилганини маълум қилди.
