Ангренда Кореяга ишга жўнатишни ваъда қилиб, 5,9 минг доллар олган шахс ушланди
У фуқарони ишга жойлаштириш учун юқори лавозимда ишловчи танишлари борлигини айтган.
Тошкент вилоятининг Ангрен шаҳрида фуқарони Кореяга ишга жўнатишни ваъда қилиб, ундан 5 900 доллар олган шахс ушланди.
Бош прокуратура ҳузуридаги Департаментнинг Ангрен шаҳар бўлими ва бошқа ҳуқуқни муҳофаза қилувчи органлар ҳамкорлигида тезкор тадбир ўтказилди.
Унда фуқаро Н.М. Х.А.нинг ишончига кириб, гўёки юқори лавозимларда ишловчи танишлари орқали уни Кореяга ишга юборишини ваъда қилгани аниқланган. Н.М. ушбу ваъдаси асосида 5 900 АҚШ долларини олган вақтида ашёвий далиллар билан ушланган.
Ҳолат юзасидан Жиноят кодексининг 168- моддаси (фирибгарлик) ҳамда 28, 211- моддалари (пора бериш) билан жиноят иши қўзғатилган. Ҳозирда тергов ҳаракатлари олиб борилмоқда.
