Сурхондарёда блекаут юз берди
Энергетика вазирлиги узилиш қўшни мамлакат энергетика тизимидаги авария билан боғлиқлигини маълум қилди.
Сурхондарё вилоятининг катта қисми ва айрим бошқа ҳудудларда электр таъминотида узилиш кузатилди.
Энергетика вазирлиги маълумотига кўра, бунга қўшни мамлакат энергетика тизимида юз берган авария сабаб бўлган. Мазкур носозлик Марказий Осиё энергетика тизимига таъсир кўрсатган.
Ҳозирда мутахассислар юзага келган носозлик сабабларини аниқлаш ҳамда унинг оқибатларини бартараф этиш бўйича иш олиб бормоқда.
Энергетиклар томонидан электр таъминоти ҳудудларда босқичма-босқич тикланмоқда.
Вазият бўйича қўшимча маълумот берилиши маълум қилинди.
