Андижонда боғча лицензияси учун 10 минг доллар сўраган шахс ушланди
У келишилган пулнинг 5 минг долларини олаётган вақтида қўлга олинган.
Андижон вилоятида хусусий мактабгача таълим муассасаси ташкил этиш учун зарур лицензия ва рухсатномаларни олиб беришни ваъда қилиб, 10 минг доллар талаб қилган шахс ушланди. Бу ҳақда Ички ишлар вазирлиги маълум қилди.
Қайд этилишича, 1984 йилда Андижон туманида туғилган фуқаро Балиқчи туманида яшовчи, 1974 йилда туғилган фуқарога хусусий мактабгача таълим муассасаси ташкил этишда ёрдам беришини билдирган.
У ўзининг юқори лавозимдаги танишлари орқали лицензия ва бошқа зарур рухсатномаларни олиб беришни ваъда қилиб, бунинг эвазига 10 минг АҚШ доллари талаб қилган.
ИИВнинг маълум қилишича, ўтказилган тезкор тадбир давомида гумонланувчи Андижон шаҳридаги Мустақиллик маҳалласида келишилган 5 минг АҚШ долларини олаётган вақтида ашёвий далиллар билан қўлга олинган.
Мазкур ҳолат юзасидан жиноят иши қўзғатилган. Гумонланувчи процессуал тартибда ушланган.
Ҳозирда ҳолат юзасидан дастлабки тергов ҳаракатлари олиб борилмоқда.
