Қашқадарёдаги ихтисослаштирилган мактаблар битирувчиларининг кўпи олийгоҳ талабаси бўлди
Учта мактабда битирувчиларнинг 100 фоизи талаба бўлди, бир қатор мактабларда эса бу кўрсаткич 80–90 фоизни ташкил этди.
Қашқадарё вилоятидаги Президент, ижод ва ихтисослаштирилган мактаблар битирувчилари 2025–2026-ўқув йили якунлари бўйича олий таълим муассасаларига киришда юқори натижаларни қайд этди.
Энг юқори кўрсаткич Қарши шаҳридаги Президент мактаби, Абдулла Орипов номидаги ижод мактаби ҳамда Қарши тумани ихтисослаштирилган мактаби битирувчиларида қайд этилган. Ушбу учта мактабда битирувчиларнинг барчаси — мос равишда 23, 40 ва 45 нафар ўқувчи ОТМга ўқишга кирган.
Шунингдек, Китоб тумани ихтисослаштирилган мактабида 90 битирувчидан 87 нафари (96,7 фоиз), Қарши шаҳридаги 1-сон ихтисослаштирилган мактабда 53 нафардан 51 нафари (96,2 фоиз), Шаҳрисабз тумани ихтисослаштирилган мактабида эса 22 нафардан 21 нафари (95,5 фоиз) талаба бўлган.
Деҳқонобод туманидаги мактабда 58 битирувчидан 55 нафари (94,8 фоиз), Чироқчи туманида 50 нафардан 47 нафари (94 фоиз), Яккабоғ туманида 40 нафардан 37 нафари (92,5 фоиз) ОТМга қабул қилинган.
Қолган мактабларда ҳам натижалар қуйидагича:
- Кўкдала тумани — 9 нафардан 8 нафари (88,9 фоиз);
- Касби тумани — 53 нафардан 46 нафари (86,8 фоиз);
- Муборак тумани — 29 нафардан 25 нафари (86,2 фоиз);
- Шаҳрисабз шаҳри — 37 нафардан 30 нафари (81,1 фоиз);
- Косон тумани — 27 нафардан 21 нафари (77,8 фоиз);
- Нишон тумани — 23 нафардан 16 нафари (69,6 фоиз);
- Қамаши тумани — 21 нафардан 14 нафари (66,7 фоиз).
Маълумотлар Қашқадарё вилояти Мактабгача ва мактаб таълими бошқармаси томонидан эълон қилинган.
