АҚШ Эронга танкерлар флотини тўлиқ йўқ қилиш билан таҳдид қилди
АҚШ уруш вазирининг сўзларига кўра, Эроннинг танкерлар флоти ҳимоясиз.
АҚШ Қуролли кучлари, агар Теҳрон АҚШ Ҳарбий-денгиз кучлари кемаларига ҳужум қилишда давом этса, Эроннинг барча танкерлар флотига зарба бериб, уларни чўктириши мумкин. Бу ҳақда Пентагон раҳбари Пит Ҳегсет маълум қилди.
«Ҳаммаси оддий: агар Эрон Америка кемаларига қарата ўқ узса, биз уларнинг танкерларини йўқ қиламиз. Улар фақат АҚШ Ҳарбий-денгиз кучларига қарата ўт очмасликлари керак», — деб ёзди Ҳегсет Х ижтимоий тармоғида.
Унинг сўзларига кўра, Эроннинг танкерлар флоти ҳимоясиз, чунки мамлакатда на ҳарбий-денгиз кучлари, на ҳарбий-ҳаво кучлари мавжуд.
Аввалроқ АҚШ ва Эрон Ҳормуз бўғози ҳудудида жойлашган кемалар ва ҳарбий кемаларга қарши ўзаро зарбалар берган эди.
Теҳрон, жумладан, баллистик ракеталар ёрдамида АҚШнинг авиаташувчиси ва эсминецига зарбалар берганини маълум қилган. Вашингтон эса Эроннинг учта танкерига зарба берганини билдирган.
