Бектемирдаги нефть базада ёнғин чиқди: ҳодисада жабрланганлар йўқ
Ёнғин қутқарувчиларга соат 19:38 да маълум бўлган ва 18 дақиқа ичида бартараф этилган.
24 сентябрь куни Тошкент шаҳри Бектемир туманидаги «Чинобод-2» нефть базасида ёнғин содир бўлди.
ФВББ маълумотига кўра, ёнғин соат 19:38 да Оҳангарон шоҳ кўчасида жойлашган нефть базада аниқланган. Қутқарувчиларнинг тезкор ҳаракатлари натижасида ёнғин соат 19:56 да ўчирилган.
Ҳодиса оқибатида тан жароҳати олганлар йўқ. Ҳозирда ёнғин келиб чиқиш сабаби ва етказилган моддий зарар миқдори аниқланмоқда.
