1 миллион сўмлик банкнота чиқадими? Марказий банк жавоб берди
Ўзбекистоннинг биринчи президенти Ислом Каримов тасвирланган банкнота дизайни ҳам эълон қилинди.
Ижтимоий тармоқларда Ўзбекистонда 1 миллион сўмлик банкнота муомалага чиқарилиши режалаштирилаётгани ҳақида маълумотлар тарқалди. Шунингдек, Ўзбекистоннинг биринчи президенти Ислом Каримов тасвирланган банкнота дизайни ҳам эълон қилинди.
Марказий банк ушбу хабарлар ҳақиқатга тўғри келмаслигини маълум қилди.
“Бу маълумот асоссиз, ёлғон ва сохта. Бу ҳақиқатга тўғри келмайди”, — дейилади регулятор хабарида.
Марказий банк фуқароларни ишончли маълумот олиш учун ташкилотнинг расмий веб-сайти ва ахборот каналларини кузатиб боришга чақирди.
