Осиё ўйинлари: Ўзбекистон U-23 терма жамоаси Япония билан ўйинда пенальтилар сериясида ютқазди
Энди Ўзбекистон бронза медали учун Хитойга қарши баҳс олиб боради.
Осиё ўйинлари ярим финалида Ўзбекистон U-23 терма жамоаси Япония билан 1:1 ҳисобида дуранг ўйнаб, пенальтилар сериясида 8:9 ҳисобида мағлуб бўлди.
Учрашувнинг 8-дақиқасида Сардор Баҳромов Ўзбекистонни ҳисобда олдинга олиб чиқди. Япония иккинчи бўлимда ҳисобни тенглаштирди.
Асосий ва қўшимча бўлимларда ғолиб аниқланмагач, жамоалар пенальтилар сериясида тўқнаш келди. Унда Япония 9:8 ҳисобида устун келди.
Шу тариқа, Равшан Ҳайдаров шогирдлари Осиё ўйинлари финалига чиқа олмади. Ўзбекистон U-23 терма жамоаси бронза медали учун Хитойга қарши баҳс олиб боради.
