Экологик экспертиза хулосаси: уни энди онлайн олиш мумкин
Белгиланган тўлов ҳам онлайн амалга оширилади.
Экологик экспертиза хулосасини энди идораларга бормасдан, my.gov.uz портали орқали электрон шаклда олиш мумкин.
Бунинг учун портал орқали онлайн ариза тўлдириб, экологик лойиҳа ҳужжатларини юклаш лозим. Шундан сўнг ҳужжатлар туман экология бўлими ва Экспертиза маркази томонидан кўриб чиқилади. Белгиланган тўлов ҳам онлайн амалга оширилади.
Экспертиза хулосаси тайёр бўлгач, уни электрон шаклда юклаб олиш мумкин. Хизматдан фойдаланиш учун my.gov.uz порталидаги тегишли хизмат орқали ариза топширилади.
Экологик экспертиза хулосаси 39 иш кунида тақдим этилади. Хизмат учун тўлов объект турига қараб БҲМнинг 0,3 бараваридан 25 бараваригача этиб белгиланган.
Хулосанинг амал қилиш муддати ҳужжат турига қараб 3 йилдан 5 йилгача бўлади.
