2018 йилда рекорд, кейинги йилларда пасайиш: никоҳлар статистикаси
Ўзбекистонда никоҳлар сони кетма-кет тўрт йилдан бери камаймоқда.
Миллий статистика қўмитаси маълумотларига кўра, Ўзбекистонда никоҳлар сони сўнгги йилларда пасайиб бормоқда. 2026 йилнинг дастлабки олти ойида 92,3 мингта никоҳ расмийлаштирилган.
2021 йилда мамлакатда 305,2 мингта никоҳ қайд этилган бўлса, 2022 йилда бу кўрсаткич 296,7 мингта, 2023 йилда 283,8 мингта, 2024 йилда 271,8 мингта ва 2025 йилда 267,1 мингтани ташкил этган.
Шундай қилиб, 2021–2025 йилларда йиллик никоҳлар сони 38,1 минг тага камайган.
Узоқ муддатли статистикага кўра, 1991 йилда Ўзбекистонда 270,3 мингта никоҳ қайд этилган. 1995 йилда бу кўрсаткич 170,8 мингтагача тушган, 2000 йилда эса 168,9 мингтани ташкил қилган.
Кейинги йилларда никоҳлар сони яна ошган. 2010 йилда 292,3 мингта, 2015 йилда 287,6 мингта, 2018 йилда эса 311,4 мингта никоҳ қайд этилган. Бу 1991–2025 йиллар оралиғидаги энг юқори кўрсаткич ҳисобланади.
