Аммо шунга қарамасдан Маск АҚШдаги энг юқори ойлик тўланадиган бош директор бўлиб қолмоқда.
Маскнинг нолга тенг бўлган ҳолат, унинг расмий равишдаги ойлик маошсиз ҳам юқори даромад топганлигини ифодалайди.
Гап шундаки, 2018 йилда Тесла компания ривожланишининг 10 йиллик режасини ишлаб чиққан эди. Унга кўра, Илон Маск унинг олдига қўйилган 16 та йўналиш бўйича натижа кўрсатиши керак бўлади.
Маск уларнинг ҳеч бўлмаса 12 тасини амалга оширган тақдирда ва компания капитализацияси $650 млрдни ташкил этганда, махсус ҳуқуққа (опцион) эга бўлади.
Бунда Маск йирик акция пакетини бозор қийматидан ҳам пастроқ нархда сотиб олиши мумкин.
Блоомберг баҳолашича, Маск 2020 йил учун берилган ҳуқуқдан фойдаланган ва $6,7 млрд миқдордаги рағбатлантиришга эга бўлган. Тадбиркорнинг ўзи вазиятни қуйидагича ифодалайди:
“Опционларнинг акцияларга нисбатан қўлланилиши, одамзот 10−20 йилдан сўнг Марсга етиб бориши учун муҳимлилигидадир”, — дейди Твиттердаги саҳифасида.
Агар Маск барча белгиланган вазифаларни амалга ошира олса, 2028 йилга келиб, у компаниянинг 28% акцияларига эгалик қилади.