2025 йилда 200 га яқин ўзбекистонликлар Россиядан бошпана сўраган

 

2025 йилда Россияда бошпана сўраб мурожаат қилган хорижий фуқаролар орасида Украина фуқаролари энг юқори улушни ташкил этгани маълум қилинди. Статистик маълумотларга кўра, сўнгги 12 ой давомида 3332 нафар Украина фуқароси Россиядан бошпана сўраб ариза топширган. Бу ҳақда ТАСС нашри хабар берди.

 

Таъкидланишича, ушбу кўрсаткич 2024 йилга нисбатан бироз камайган. Ўша йили Россиядан бошпана сўраб мурожаат қилган украиналиклар сони 3722 нафарни ташкил этган бўлса, 2023 йилда бу рақам 5,5 минг нафардан ошган. Шунга қарамай, сўнгги йилларда Россиядан бошпана сўраш эҳтимоли энг юқори бўлган фуқаролар тоифасида украиналиклар етакчи бўлиб қолмоқда.

 

2025 йилда бошпана сўраб мурожаат қилганлар сони бўйича Сурия фуқаролари иккинчи ўринни эгаллаган — 3196 та мурожаат қайд этилган. Кейинги ўринларда Афғонистон фуқаролари жойлашган. ундан кейин Афғонистон фуқаролари (281 та), Ўзбекистон (176) ва Германия (129) фуқаролари ҳам мос равишда биринчи бешликка кирди.

 

Ҳисобот даврида Россияда вақтинчалик бошпана сўраб мурожаат қилганларнинг умумий сони 8220 тани ташкил этган бўлиб, бу 2024 йилга нисбатан сезиларли ошганини кўрсатади.

 

Мутахассисларнинг қайд этишича, Россияда вақтинчалик бошпана мақоми шахсга мамлакат ҳудудида қонуний яшаш имконини беради. Ушбу мақомга эга шахслар рухсатномасиз ишлаш, мажбурий тиббий суғурта тизими орқали тиббий хизматлардан фойдаланиш, таълим олиш ва ижтимоий ёрдам дастурларидан фойдаланиш ҳуқуқига эга бўлади. Мазкур мақом айрим ҳолларда кейинчалик доимий яшаш рухсатномаси ёки фуқаролик олиш жараёнининг дастлабки босқичи сифатида қаралади.