Адлия вазирлиги хабарига кўра, 14 февраль — Халқаро китоб ҳадя қилиш куни” муносабати билан 34 та маҳаллада ёшлар учун кутубхоналар ташкил этилди.
Кутубхоналарга 6,7 мингдан зиёд Президент асарлари, ўзбек ва жаҳон адабиёти дурдоналари, болалар ва ҳуқуқий адабиётлар, 26 та компьютер ва 451 та мебель жиҳозлари совға қилинди.
Шу билан бирга, 40 минг китобни ўзида жамлаган электрон кутубхонадан фойдаланиш имконияти яратилди.
Акциямизга Республика Маънавият ва маърифат маркази, Ёшлар ишлари агентлиги, автомобиль йўллари давлат қўмитаси ҳамда Нотариал палата ҳам қўшилди.
#ziyo_ulash акциясига старт берилгандан буён 100 та маҳаллада кутубхоналар ташкил қилиниб, 31 мингга яқин китоблар, 66 та компьютер ва 1100 дан ортиқ мебель жиҳозлари совға қилинди.
Келгусида акция доирасида яна 108 та маҳаллада кутубхоналар ташкил қилиш режалаштирилган.
#ziyo_ulash акцияси давом этмоқда.
