Абдулазиз Комилов Афғонистон ташқи ишлар вазири билан учрашди
Ўзбекистон Республикаси ташқи ишлар вазири Абдулазиз Комилов Афғонистон ташқи ишлар вазири, “Толибон” вакили Амирхон Мутаққий билан учрашди .
Бу ҳақда Афғонистон ташқи ишлар вазирлиги расмий вакили Абдулқодир Балхий Twitter саҳифасида маълум қилди.
Абдулазиз Комилов Кобулдаги ҳолатга юқори баҳо бергани айтилган. Вазир Афғонистон тез орада халқаро ҳамжамиятда мустаҳкам ўрин эгаллашига умид билдирган. Шунингдек, Ўзбекистон транзит, энергетика ва савдодаги мажбуриятларига содиқ эканлиги таъкидланган.
Учрашув якунида Амирхон Мутаққий Ўзбекистонга кўрсатилаётган ёрдам учун миннатдорчилик билдирган. Абдулқаҳҳор Балхий Мозори-Шариф аэропортини таъмирлашда Ўзбекистон томони ёрдам берганини қайд этди.
Аввалроқ Абдулазиз Комилов Ўзбекистоннинг Афғонистон бўйича позициясини маълум қилганди.
Жаҳонгир Қўзиев
