Афғонистон ички ишлар вазири вазифасини бажарувчи Сирожиддин Ҳаққоний илк бор юзини кўрсатди.
У узоқ йиллар давомида қиёфасини яшириб келаётганди.
Бу ҳақда “Sputnik Афганистан” хабар берди.
Ҳаққоний шу кунга қадар ўз қиёфасини яшириб келган. Бунга сабаб – у террорчилик фаолияти учун халқаро қидирувга берилган. Ҳаққоний ҳақидаги маълумотлар учун АҚШ 10 миллион доллар ваъда қилган.
Бугун ички ишлар вазири Кобулда полиция академиясида илк бор юзини кўрсатди.
Маълумот ўрнида: Сирожиддин Ҳаққоний “Ҳаққоний тизими” халқаро террорчилик ташкилоти рахбари ҳисобланади. Бу ташкилот “Толибон”нинг ҳарбий қанотини ташкил этади ва ҳаракатнинг энг радикал қатламларини ўзида жамлаган.
Эслатиб ўтамиз, аввалроқ қанча афғонистонлик ватанига қайтиб келгани тўғрисида хабар берилганди.
