“Ашраф Ғанининг расмий Facebook саҳифасига бузиб кирилди. Кечадан бошлаб у ерда қўйилаётган маълумотлар ҳақиқатга тўғри келмайди”, — дейилади твитда. Аввалроқ ижтимоий тармоқларда Ашраф Ғанининг толиблар ҳукуматини тан олишга чақиргани тарқалиб кетган. Шундан сўнг сиёсатчи юқоридаги баёнотни берди.
Маълумот ўрнида: “Толибон” 15 август куни Кобул шаҳрини жангсиз эгаллаганди. Шу куни Ашраф Ғани президентлик лавозимидан воз кечганди. У ўз қарорини мамлакатда ортиқча қон тўкилишини истамаслиги билан изоҳлаган.
“Толибон” 6 сентябрь куни мамлакатдаги сўнгги эгалланмаган вилоят — Панжшерни ўз назоратига олганди. Эртаси куни Афғонистоннинг янги ҳукумати таркиби эълон қилинганди.
Aввалроқ Туркия президенти Эрдўған мамлакатда инклюзив ҳукумат тузилмаса, аэропортни бошқаришда ёрдам берилмаслигини маълум қилганди. Шунингдек, “Толибон” раҳбарияти жангчиларидан амнистия шартларига амал қилишни талаб қилганди.
Жаҳонгир Қўзиев