Афсонавий спортчи Оксана Чусовитина халқаро миқёсда спортчилар ҳуқуқини ҳимоя қилмоқчи
Чусовитина Халқаро Олимпия Қўмитаси спорт комиссияси сайловига номзодини қўйди.
Бу ҳақда Чусовитина Instagramдаги саҳифасида сайлов олди постерини жойлагач маълум бўлди.
Қайд этиш керакки, ХОҚ спорт комиссияси Олимпия ўйинларида спортчилар манфаатини ҳимоя қилади. У спортчилар ва Халқаро Олимпия Қўмитасини боғлаб турувчи ўзига хос кўприк ҳисобланади.
Комиссия аъзолари Олимпияда спорт дастури, ўйинлар ўтказиладиган шаҳарлар ҳолатини баҳолайди ва Олимпия ўйинларини ташкил этилишини назорат қилади.
Комиссияга сайлов Олимпия ўйинлари давомида ўтказилади, уларнинг 4 таси ёзги ва 2 нафари қишги олимпия ўйинларига сайланади.
