Унда Панжшер қаршилик кучлари етакчиси мавжуд вазиятга тўхталиб ўтди. Масъуднинг фикрича, афғон жамиятининг бир қисминигина ўз ичига олган ҳукумат охир-оқибат ҳалок бўлади. Афғонистон тарихи бу каби бошқарув моделининг самарасиз эканини исботлаган.
Аёллар масаласи ҳақида гапирар экан, сиёсатчи “Толибон”нинг хотин-қизларни кўплаб ҳуқуқлар, хусусан, таълим олишдан маҳрум қилганига эътибор қаратди. Шунингдек, ҳаракат мамлакатни халқаро терроризм ўчоғига айлантирди.
“Бизнинг мақсадимиз инклюзив ҳукумат. У аёллар ҳуқуқини ҳурмат қилади ва дунёнинг барча давлатлари билан яхши алоқада бўлади”, — деган Масъуд.
Шунингдек, қаршилик кучлари раҳбари Афғонистон учун марказлаштирилмаган бошқарув энг мукаммал вариант эканини таъкидлади. Унинг фикрича, маҳаллий аҳоли ўз раҳбарларини сайлаш имконига эга бўлиши лозим.
Эслатиб ўтамиз, аввалроқ толиблар маҳаллий имомларни қийноққа солаётгани ҳақида хабар берилганди.
Жаҳонгир Қўзиев