"Ал-Наср" "Реал" юлдузига 100 миллион евролик шартнома таклиф қилди
Саудияликларга ҳимоячи керак.
"Ал-Наср" Мадриднинг "Реал" клуби ҳимоячиси, Германия терма жамоаси ҳимоячиси Антонио Рюдигер билан шартнома имзоламоқчи.
Манбага кўра, Саудия клуби германиялик "Лос-Бланкос" футболчисига тўрт мавсум давомида 100 миллион евролик шартнома таклиф қилган. Қайд этилишича, футболчи португалиялик машҳур ҳужумчи Криштиану Роналду тўп сурадиган жамоа таклифига ҳали жавоб беришга улгурмаган.
Аввалроқ ОАВда Аймерик Лапортнинг Ла Лигага қайтишни исташи ва Испаниянинг номи ошкор этилмаган клуби билан шартнома бўйича келишиб олгани сабабли "Ал-Наср" янги марказий ҳимоячи қидираётгани ҳақида хабар берилганди.
Эслатиб ўтамиз, ўтган мавсумда Рюдигер "Реал" сафида барча турнирларда 48 та ўйин ўтказиб, 2 та гол ва 3 та голли узатмага муаллифлик қилган.
