БМТнинг Эзгу ният элчиси саналган Анжелина Жоли Украина, Афғонистон, Мали ва бошқа бир қатор мамлакатлардан бўлган қочқинлар билан учрашди.
Улар билан бирга кечки тановул устида суҳбат қурган актриса “янги дўстларим” деб атаган қочқинлар ўз ватанларини ҳарбий ҳаракатлар, очлик, таъқиб туфайли тарк этишганини айтган. Улар орасида Миср, Кот-дивуар, Конго, Курдистон, Нигерия ва Гамбия фуқаролари ҳам бўлган.
Тадбир БМТнинг қочқинлар ишлари бўйича агентлиги, “Саве тҳе Чилдрен Италиа” фонди ва Жоэл Нафум номидаги қочқинлар маркази кўмагида ташкил этилди. Анжелина Жоли қочқинларга ажратилган вақт ва ҳаётий ҳикоялар учун миннатдорлик билдирган.
Голливуднинг таниқли актрисаси яқиндагина фаол ҳарбий ҳаракатлар давом этаётган Украинада бўлиб қайтган, аввалроқ эса Афғонистон фуқароларини қўллаб-қувватлаган эди.