АҚШ Америка давлатлари билан озиқ-овқат танқислигига қарши курашмоқчи
Шу мақсадда тез орада янги ташаббус эълон қилинади.
АҚШ Ғарбий яримшар давлатлари билан озиқ-овқат ва минерал ўғитлар ишлаб чиқаришни кенгайтирмоқчи. Бу ҳақда Жозеф Байден Америка давлатлари саммитида айтди.
“Кейинги бир неча кун давомида биз кўплаб давлатлар билан янги ташаббусни эълон қиламиз. У АҚШ, Аргентина, Бразилия, Канада, Чили ва Мексика билан ҳамкорликни ўз ичига олади. Бу озиқ-овқат маҳсулотлари ва ўғитлар ишлаб чиқарилиши ҳамда экспортини кўпайтириш мақсадида амалга оширилмоқда”,– деган у.
Бундан ташқари, АҚШ етакчиси Кариб ҳавзаси давлатлари билан иқлим ўзгаришига қарши курашда ҳамкорлик қилмоқчи эканини таъкидлаган.
Аввалроқ БМТ озиқ-овқат етишмовчилигининг асосий сабабини маълум қилганди.
