АҚШ барибир “Толибон”ни тан олади — Имрон Хон
Покистон бош вазири CNN нашрига интервью берди.
Афғонистонда “Толибон”га муқобил йўқ. Бу ҳақда Покистон бош вазири Имрон Хон маълум қилди.
“Афғонистонда ҳозир толиблар ҳокимиятига муқобил вариант йўқ. Бутун дунё улар билан инклюзив ҳокимият тузиш ва инсон ҳуқуқларини таъминлаш масаласида ҳамкорлик қилиши керак. Санкциялар сақланиб қолинган тақдирда мамлакатда беқарорлик сақланиб қолиши ва гуманитар инқироз вужудга келиши мумкин”, – деган сиёсатчи CNN’га берган интервьюсида.
Хоннинг сўзларига кўра, Афғонистондаги вазият ортидан Покистон қочоқлар ва терроризм ўсиши билан боғлиқ муаммога дуч келган.
“2021 йилгача бизда 3 миллион афғон қочқинлари бўлган. Ўтган йили толиблар ҳокимиятни эгаллагач, Покистонда 250 минг афғон кириб келди. Уларнинг орасида террорчилар ҳам бўлган”, – деб қайд этган Имрон Хон.
Бундан ташқари у АҚШ “Толибон” ҳокимиятини эртами-кечми тан олишини маълум қилган.
Аввалроқ Покистон Афғонистон билан чегарада тўсиқлар қўйишни давом эттиришини маълум қилганди
Жаҳонгир Қўзиев
