0
АҚШ фуқаролари Афғонистонни тарк эта олмаяпти — CNN
Телеканал маълумотларига кўра, "Толибон" бунга тўсқинлик қиляпти.
80 нафар АҚШ фуқаролари Афғонистондан чиқа олмаётгани маълум бўлди. Бу ҳақда CNN хабар берди.
Унга кўра, ушбу шахслар эвакуацион рейслар йўқлиги туфайли Кобулни тарк эта олмаган. Телеканал маълумотларига кўра, "Толибон" бир ойдан бери эвакуация учун мўлжалланган самолётларнинг учишига рухсат бермаяпти. Ҳозирча авиақатновлар қачон тикланиши маълум эмас.
АҚШ давлат департаменти матбуот котиби Нед Прайс сешанба куни Вашингтон куздан буён 900 га яқин кишини Афғонистондан олиб чиқиб кетганини қайд этган.
Аввалроқ "Толибон" ўзининг энг ашаддий душмани билан музокара ўтказгани тўғрисида хабар берилганди.
Жаҳонгир Қўзиев
