АҚШ Республикачи сенатори Линдси Грем Владимир Путинни жиддий тинчлик музокараларига киришишга чақирди. Унга кўра, агар Россия президенти бунга рози бўлмаса, АҚШ президенти Доналд Трамп Россиянинг банк ва энергетика секторларига нисбатан янги санкциялар жорий қилади.
Гремнинг баёноти Путиннинг 6 март куни Украинадаги тинчлик келишувини фақат Россиянинг стратегик манфаатларига мос келган тақдирда қабул қилишини билдирганидан кейин янгради. Сенаторнинг таъкидлашича, Россиянинг заиф иқтисодиёти кучли санкциялар остида янада оғирлашади ва Кремлни музокаралар олиб боришга мажбур қилади.
Аввалроқ АҚШ молия вазири Скотт Бессент ҳам Россиянинг энергетика соҳасига қарши санкциялар кучайтирилиши мумкинлигини билдирган эди.