АҚШ ва Тайвань иқтисодий ҳамкорликни кучайтириш юзасидан музокара олиб бормоқда. Бу ҳақда Bloomberg агентлиги ўз манбаларига асосланиб хабар берди.
Томонлар тез орада ушбу музокаралар тафсилотини эълон қилиши кутилмоқда. Шу билан бирга етказиб беришнинг барқарор занжирларини мустаҳкамлаш масаласи ҳам муҳокама қилиняпти.
Вашингтон ва Тайвань келишуви савдо жараёнларини соддалаштириш, ишлаб чиқариш занжирлари фаолияти ва қишлоқ хўжалиги маҳсулотлари айирбошлашни назарда тутади.
Маълумот ўрнида: Тайвань 1949 йилдан буён амалда ХХРдан мустақил сиёсат олиб боради. У Хитойнинг ажралмас қисми эканини бутун дунё, жумладан, АҚШ ҳам тан олади. Шу билан бирга аксарият давлатлар Тайваннинг Хитой таркибига зўравонликсиз ва куч ишлатишсиз қайтиши зарурлигини таъкидлаб келади.
Аввалроқ АҚШ ва Хитой вакиллари Тайвань масаласида фикр алмашганди.