АҚШ Украинага ёрдам учун 100 млн доллар ажратди
Маблағ ҳарбий таъминотга йўналтирилади.
АҚШ Украина полицияси ва чегарачилари учун зирҳли машиналар, жиҳозлар, тиббий буюмлар харид қилиш учун яна 100 миллион доллар ажратади. Бу ҳақда Давлат котиби Энтони Блинкен маълум қилди.
“Қўшимча пул Украина чегара хизматлари ва полицияси учун ҳимоя воситалари, дала жиҳозлари, тактик жиҳозлар, дори-дармонлар, алоқа воситаларини етказиб беришни давом эттириш имконини беради”, — дейилади Блинкен баёнотида.
Қайд этилишича, ушбу ёрдам “Украина Ички ишлар вазирлигига зарур чегара хавфсизлигини таъминлаш, ҳуқуқни муҳофаза қилиш функцияларини бажариш ва муҳим инфратузилмани ҳимоя қилиш учун кўпроқ имкониятлар беради”.
