Лео Мессининг МЛСга келиши “Интер Маями” тарихида катта ўзгариш содир этди. Ўтган мавсумда жамоа ўйинига ўртача 12,6 минг мухлис ташриф буюрган бўлса, бу йил 16,3 минг нафарга етди. Гарчи Месси ҳозиргача фақат учта уй учрашувида майдонга тушди. Илгари клубнинг ижтимоий тармоқда 900 минг обуначиси бор эди, ҳозир эса 15,4 миллион.
Хабарларда айтилишича, Мессининг МЛСдаги дебют ўйинини 12,5 миллион томошабин кўрган ва бу фақат АҚШ учун дашшатли статистика. "Интер" бош мураббийи Девид Бекхем эса ғурур билан шуни маълум қилди: Леонинг клубдаги тақдимотини 3,5 миллиард одам томоша қилди. Бу шунчаки ақлга сиғмайдиган ҳолат.
Мессининг штатларда пайдо бўлиши имкон қадар монетизация қилинмоқда. Шу рақамлар ҳақида ўйлаб кўринг: аргентиналик футболчи трансферидан сўнг "Интер" иштирокидаги ўйинлар учун чипталар нархи 700 фоиздан кўпроққа ошди. "Маями"нинг рақиблари ҳам юлдуз футболчи орқали кўпроқ пул ишлаб олишмоқда.
Албатта, масалани фақат спорт билан чеклаб бўлмайди. "Мундо Депортиво" нашрининг хабар беришича, 2024 йилнинг 25 апрелида Маямида Лео мультимедиа музейи очилади, унинг ичида “The Messi Experience Park” сайёҳлик интерактив кўргазмаси бўлади.
Лойиҳа олти ойдан кейин ишга тушсада, чипталарни 26 октябрдан сотиб олиш мумкин бўлади. Нархлар эса $29,9 долларни ташкил қилади.
Турли технологик жиҳатдан нуфузли тадбирлар кутилмоқда. Ташриф буюрувчилар футболчининг Росариодаги оғир болалигидан тортиб то ҳозирги кунгача бўлган бутун фаолиятини кузатиши мумкин бўлади. Асосий урғу, албатта, 2022 йилда Қатарда бўлиб ўтган жаҳон чемпионати ғолиблигига қаратилади.
Футболчи мухлисларга ҳаётининг турли томонларини очиб берадиган бундай кенг кўламли лойиҳанинг бир қисми бўлганидан хурсанд эканлигини таъкидлаган.