АҚШда самолётнинг шасси қисмида икки кишининг жасади топилди
Ҳозирча улар самолётга қандай кириб олишгани аниқланмаган.
АҚШда "JetBlue" самолётининг шасси қисмида икки кишининг жасади топилди. Жасадлар Флорида штатидаги Форт-Лодердейл халқаро аэропортида парвоздан кейинги хавфсизлик текшируви вақтида аниқланган.
“Ҳозирча қурбонларнинг шахси ва улар самолётга қандай кириб олишгани аниқланмаган”, - дейилади компания баёнотида.
"JetBlue" воқеани "даҳшатли вазият" деб атади ва барча ҳолатларга ойдинлик киритиш учун расмийлар билан ҳамкорлик қилишга тайёрлигини таъкидлади. "Newsweek" журналининг аниқлик киритишича, ҳодиса Ню Ёркдаги Жон Кеннеди номидаги аэропортдан учаётган самолёт билан содир бўлган.
