АҚШда Трамп сиёсатидан норозиларга 4 йиллик саёҳат таклиф қилинди
Villa Vie Odyssey кемасида саёҳат 140 дан ортиқ давлатни ўз ичига олади.
АҚШдаги президентлик сайловида Дональд Трамп ғалаба қозонганидан норозилар учун дунё бўйлаб саёҳат таклиф қилинди. Бу ҳақида Business Insider хабар берди.
Villa Vie Odyssey кемасидаги круиз 4 йилга мўлжалланган. Саёҳатчилар етти қитъадаги 140 дан ортиқ давлатни кўриши кутилмоқда. Аll inclusive тизими бўйича бир кишилик чипта нархи 255,9 минг доллардан бошланади. Икки ўринли хонанинг бошланғич нархи эса 319 минг доллар.
2026 йил кузида Конгрессга оралиқ сайловлардан кейин штатлардаги ўзгаришларга умид қилганлар “Оралиқ сайловлар” пакетини сотиб олиши мумкин. Бир кишилик 150 399 доллар, икки кишилик 187 998 долларга баҳоланган. Мазкур турпакет икки йилдан кейин АҚШга қайтишга мўлжалланган.
Odyssey кемасида саёҳат қилиш дунёнинг бошқа ҳеч бир жойида фуқаролик ҳуқуқини бермаса-да, у йўловчиларга тирбандликлар, сиёсат ва шаҳар ҳаётининг бир хиллигидан қочиш имкониятини тақдим этади, — дейди Villa Residences вакили.
