Аргентинада солиқ хизмати тугатилди
Таъкидланишича, бу йилига 6,5 миллион доллар тежалишига олиб келади.
Аргентина ҳукумати солиқ хизмати — Федерал даромадлар бошқармасини тугатиб, унинг ўрнига соддалаштирилган Даромад ва божхона назорати агентлигини ташкил этди.
Солиқ идораси тугатилиши ҳисобига ходимлар сонини учдан бир қисмга қисқартирилди.
Маълумотларга кўра, солиқ хизмати узоқ йиллар давомида сиёсий ташкилот сифатида фаолият юритган ва кўплаб аргентиналикларни таъқиб қилиш учун қурол сифатида ишлатилган.
“АФИПни ёпиш аргентиналикларнинг иқтисодий ва тижорат эркинлигига тўсқинлик қиладиган кераксиз бюрократияни йўқ қилиш учун зарур”, деб тушунтирди президент маъмурияти.
