Айрим каналлар сақланиб қолинган — ГФР молия вазири
Кристиан Линднер Россия газига қай тарзда тўлов амалга оширилишини очиқлади.
Бу ҳақда у N24 телеканалига берган интервьюсида айтган.
“Гап Россияни максимал тарзда сиёсий, иқтисодий ва молиявий яккалаб қўйиш ҳақида кетмоқда. Фақатгина газ етказиб бериш тўхтатилмаслиги учун айрим каналлар сақланиб қолинади. Акс ҳолда бу бизни кучсизлантириши мумкин. Қолган масалаларда эса санкциядар учун бор имкониятлар кўриб чиқиляпти”, – деган вазир.
Маълумот ўрнида: Россия 24 февраль куни Украинада ҳарбий операция бошлагач, Ғарб Москвага қарши янги санкциялар жорий этди. Чекловларнинг аксарияти молия бозорига қарши қаратилган. Хусусан, Россиянинг бир қатор банклари АҚШ, Европа ва Буюк Британия қора рўйхатига киритилди, шунингдек, SWIFT тизимидан узиб қўйилди.
Аввалроқ Европа бош дипломати Жозеп Боррель ЕИ ҳам санкциядардан азият чекишини маълум қилганди.
