Украина ва АҚШ президентлари Владимир Зеленский ҳамда Жо Байден Россия Федерациясига қарши санкциялар ва Украинага мудофаа ёрдами масаласини муҳокама қилди. Бу ҳақда Зеленский 1 март, сешанба куни Твиттерда ёзган.
"Ҳозиргина Жо Байден билан гаплашдим. Америка раҳбариятининг Россияга қарши санкциялари ва Украинага мудофаа ёрдами бўйича муҳокама қилдик. Биз тажовузкорни имкон қадар тезроқ тўхтатишимиз керак. Америкадан қўллаб-қувватлагани учун миннатдормиз!", деб ёзган Зеленский.
Аввалроқ Visa ва Mastercard халқаро тўлов тизимлари Украинадаги уруш туфайли Россия молия институтларини хизматдан узишни бошлагани хабар қилинганди.