Бразилия даҳшатли тошқин гирдобида
Мамлакатнинг 100 та шаҳрида фавқулодда ҳолат эълон қилинди.
Бразилия шимоли-шарқидаги Бахия штатида кучли ёмғирлар оқибатида келиб чиққан тошқинда камида 20 киши ҳалок бўлди, 358 киши жароҳат олди. Бу ҳақда “Sinxua” агентлиги хабар берди.
Қайд этилишича, табиий офат аллақачон жами 470 минг кишига зарар етказган. Штатдаги 116 та шаҳардан 100 тасида фавқулодда ҳолат эълон қилинди. Тўхтовсиз ёғаётган ёмғир кўприклар ва ўнлаб уйларнинг қулашига олиб келди. Офат келтирган моддий зарар ҳали ҳисоб-китоб қилинмаган.
Бразилия Миллий метеорология институти маълумотларига кўра, жанубий Бахия штатида бошланган кучли ёмғир ноябр ойидан январгача давом этади. Маранхао, Сеара ва Сан-Паулу штатлари жабрланган ҳудудларга ёрдам бериш учун қутқарувчиларни юборишини маълум қилди.
Аввалроқ “Раи” тўфони Филиппинни вайрон қилгани хабар қилинган эди. Офат 75 кишининг умрига зомин бўлган.
